Ginatun-an eon it Palasyo ro proposisyon nga ipaiway it uman ro Barangay ag Sangguniang Kabataan Elections (BSKE) sa tunga it krisis sa ekonomiya ag pagtaas it presyo it langis.
Suno kay Palace Press Officer Claire Castro, bukas si Pangueong Ferdinand Marcos Jr. sa mga suhestiyon nga makabulig sa nasyon kaibahan ro proposisyon nga pwedeng makatipid it hasta sa P16 bilyon kun indi madayun ro eleksyon.
Nauna kara, may pilang panawagan para sa an-um nga buean nga postponement it BSKE nga nakataeana sa Nobyembre 2, ag ginsuhestiyon nga itaeana eon lang anay ro pondo para kara sa pagsabat sa epekto it pagtaas it presyo it langis.
Sa pihak kara, nauna eon nga nagdesisyon ro Korte Suprema nga eabag sa Konstitusyon ro pauman-uman nga pagpaiway it nasambit nga eleksyon.
