KALIBO, Aklan — Nagpahayag it pagkabaeaka ro dating provincial board member sa planong Boracay bridge project bangud sa posibleng epekto kara sa environment ag pangabuhian sa isla.
Suno kay dating board member Atty. Harry Sucgang nga ro proyekto hay posibleng makasamad sa natural nga itsura it Isla it Boracay ag magatuga it epekto sa sensitibo eon nga ecosystem kara.
Mabahoe suno kana ro posibilidad nga engkaso nga madayun hay matuead ro sitwasyon sa Kalibo International Airport kun sa siin nakaangkon it epekto sa pangabuhian it mga transport workers, tourism employees, ag mga maintok nga negosyante.
May maayos eon suno kana nga maritime transport network ro Boracay nga nagasirbisyo sa mga residente ag turista, rason nga indi eon kinahangean ro tulay.
Ginbatikos man kara ro kakueangan it konsultasyon sa lokal nga komunidad ag gin-insister ro importansiya it pagpasakop it stakeholders bago ipatuman ro mga mabahoe nga proyekto.
Ro investor sigon nga si Ramon Ang it San Miguel Holdings Corporation ro makapanipueos kara imbes nga mga Aklanon.
