Makabig nga “loser by default” si Vice President Sara Duterte sa padayon nga uwa pagtambong sa naga-iral nga mga impeachment hearing kontra kana.
Suno kay fomer Kabataan Partylist Rep. Raoul Manuel, responsibilidad nana nga tambungan raya para eon man personal nana nga depensahan ro anang kaugalingon kontra sa mga alegasyon nga ginaeapog kana. Apang, ro permi eamang nga ginahimo it anang kampo hay ro kwestyunon ro mga teknikalidad ag proseso it impeachment imbes nga sabot ro mga nakabaehag sa mga reklamo.
Ginpamilit man ni Manuel nga naga-abo eon ro indikasyon nga dapat nga ma-impeach ro bise presidente. Ginabusisi gid it mayad ag ginasigurado nga may bastanteng basehan ro mga reklamo kontra kana, kun sa siin raya eon sigon ro due process nga gina-usoy it anang kampo.
Sa makaron, “undeniable” eon nga may mga indi mapaathag nga bilyones nga bank transaction ro bise presidents apang milyones eamang ro gindeklara kara sa anang Statements of Assests, Liabilities, and Networth (SALN).
Bangud kara, posibleng maging sambilog sa mga ground of impeachment raya bangud sa uwa pagdeklara it insaktong kantidad sa SALN.
Kun mapamatud-an ro tanan nga reklamo, kinahangean nga isueong ro pag-file it kaso kontra sa bise presidente.
