-- ADVERTISEMENT --
Ginasueong ni Senador Risa Hontiveros ro sangka hagna nga magabawae sa mga eskwelahan sa pag-withhold ukon pag-delay sa pagpaguwa it official school records it mga estudyante nga owa nakabayad it tuition ukon iba pa nga baeayran sa eskwelahan.
Sa idaeum it Senate Bill No. 1964, ro mga rekord it eskwelahan hay kapareho it mga transcript of record, report card, diploma, certificate, ag mga transfer credentials.
Ginasueong man kara ro pagtukod it sangka student records assistance mechanism agud buligan ro mga financially incapacitated students nga may verified outstanding balances nga maka-access sa andang mga rekord sa eskwelahan.
