Kabilugan nga 2,467 nga mga teachers ag school heads halin sa Aklan Schools Division Office ro na-promot sa idaeum it Expanded Career Progression program it Department of Education.
Raya ro ginkumpirma ni Dr. Darren Naelgas, Education Program Supervisor Division Representative it DepEd-Aklan.
Suno kana nga sa kabilugan nga 2,534 nga na-qualify nga applicants, may nabilin pa nga 67 nga naka pending eakip ro master teachers, school heads ag teachers bangud sa problema ukon inconsistencies sa andang data kaibahan ro plantilla number.
Nagaeaum sigon sanda nga mataw-an it konsiderasyon it Department of Budget and Management ro andang apela agud nga maangkon ro 100% nga target sa andang ginsumite sa regional office ag DBM.
Apang sa kabilugan, 97.36% it applicants ro na-reclassify.
Sambilog sigon sa na-promote sa Aklan hay haeos 37 anyos eon sa serbisyo ag nakataeana eon nga maga-retiro sa masunod nga dag-on.
Bangud sa kaabuon it mga teachers nga na-promote, kun sa siin naka apekto raya sa pondo nga gintaeana para sa region 6 hay nagdesisyon anay ro regional office nga i-pending ro submission para sa masunod nga batch it promotion ukon reclassification para sa mga teachers.
Sa pihak nga parte, nagaeaum si Dr. Naelgas nga ro mga newly promoted teachers hay mas pa nga ma-motivate ag maging inspirado sa andang trabaho bangud kaeakip sa naangkon nga promotion hay ro pagtaas it sweldo ag dugang nga responsibilidad.
Sa pihak nga parte, matapos nga makansela it makapilang beses, madayun eon sa adlaw it Lunes, Abril 27 ro mass oath-taking it kapin sa 8,493 nga newly promoted teachers ag principals halin sa Western Visayas sa Villareal Stadium sa Roxas City nga ginaeauman nga pagatambungan it linibu nga mga participants.
Kaibahan sa mga magatambong ro mga bag-ong na-promote nga manugturo halin sa nagkaeain-eain nga Schools Division Offices it Capiz, Aklan, Antique, Guimaras, Iloilo, Iloilo City, Passi City, ag Roxas City.
