Naninahan ro ap-at nga pasahero ag sangka crew member kat magkaeayo ro makina it sangka eroplano sa Indira Gandhi International Airport, adlaw it Domingo, April 26, 2026.
Sa report it mga otoridad, natabo ro insidente samtang manug-takeoff pa eang ro eroplano rason para insigida nga ginpundo ro pag-eupad kara ag nagpatigayon it emergency evacuation.
May sakay nga 228 nga mga pasahero ro Swiss International Airlines flight LX 147 nga padueong sa Zurich halin New Delhi. Kaibahan sa mga pasahero ro ap-at nga mga eapsag ag 13 nga mga crew members.
Temporaryo man nga nagdeklara it emergency ro Indira Ghandi International Airport matapos ro insidente ag ko ulihi, ginbalik man sa normal ro operasyon sa runway.
Nagapatigayon makaron it imbestigasyon ro Swiss International Airlines pinaagi sa pagtukod it task force agud masayuran ro ginhalinan it problema sa makina it eroplano.
