Ginsibak eon sa puwesto ag ginpaidaeum sa kustodiya ro sangka pulis sa Malolos City, Bulacan matapos mag-viral ro CCTV footage nga gina-alegar nga nagapakita it pagsakit kara sa anang asawa.
Ginkumpiska man it mga awtoridad ro baril ag Philippine National Police (PNP) identification it pulis agud masiguro nga indi eon raya magamit sa anumang klase it pagpamaeag ukon pagpang-abuso samtang nagapadayun ro imbestigasyon.
Sa pahayag it Malolos police, hugut kara nga ginkundina ro anumang klase it kinagamo eabi eon ro pagsakit sa mga kababayin-an.
Padayun sigon ro imbestigasyon sa insidente ag nagabo-oe eon it pahayag halin sa magtimbang nga parte agud nga masiguro ro patas ag komprehensibong pagklaru sa kaso.
Nauna eon nga nag-agto sa Malolos City Police Station ro biktima agud nga magpasaka it nagakaigo nga reklamo kontra sa nasambit nga pulis.
Samtang, ginpahayag it National Police Commission nga pagatutukan kara ro administrative aspect it kaso.
