Kakason eon ro regional wage board.// raya ro padayon nga gina-panawagan it labor leader nga si Ka Leody De Guzman.
Suno kana, dapat maging patas ro ginabaton nga sweldo it mga trabahador, sa syudad man ukon probinsya, bangud nga paeareho malang ro gaeastuson it pumueuyo.
Ginpunto nana nga uwa it dapat nga maging rason para nga paiwayon ro nasambit nga proposisyon. Apang, paathag nana nga ro magiging problema it nasambit nga tikang hay ro reaksyon it mga mabahuean nga Negosyo nga may mga branches sa probinysa. Sanda sigon ro naga-pamaeabag sa nasambit nga tikang.
Mabuhay eon sigon nanda rayang ginapaglaban, umpisa pa kat gin-pasa ro Herrera Law kun sa siin raya ro naging rason it pag-naba it sweldo it mga trabahador sa probinsya. Apang, manami sigon nga sa makaron hay ginapamatian eon ro limog it mga trabahador.
Sa anang pagkasayod, pumasa eon sa 2nd reading sa Kongreso ro nasmabit nga proposisyon ag kun mag-angkon it final reading raya hay kinahangean eon lang mag-angkon it eang it counter part sa Senado.
Nag promisa man sigon ro mga senador dati nga anday man rayang isukoe nga maging National eon ro wage increases para sa mga trabahador sa probinsya.
Dapat sigon nga magpadayon eon raya para mabatyagan it mga trabahador sa probinsya nga patas ro pagtan-aw it gobyerno sa tanan.
