-- ADVERTISEMENT --
Maga-sunod ro kampo ni Vice President Sara Duterte sa pagguwa it writ of summons it Senate nga mismong nagaserbe bilang impeachment court.
Suno kay Atty. Michael Poa, ro legal counsel ag tagapaghambae it Bise Presidente nga sanda hay magasabat sa proseso nga gintaeana it Senate impeachment court.
Ginpunto kara nga magadihon sanda it bastante nga sabat nga nagakaigo sa konstitusyon. Andang gina-respeto ro presenteng proseso ag uwa eon sanda nagtao pa it anumang komento.
Madumdumang gintaw-an it Senate impeachment court it 10 adlaw ro Bise Presidente kun mabaton eon nanda ro writ of summons.
