Haum ro National Irrigation Administration (NIA) sa mataas nga tsansa it grabeng El Niño makaron nga 2026.
Ginpahayag ni NIA Administrator Eduardo Guillen nga “climate-resilient” ro andang proyekto sa pihak it manaba nga lebel it tubi nga nai-record kapareho it iba pa nga mga dam sa nasyon.
Nagapati man ro NIA nga ro ahensya hay “proactive” sa pagbag-o it klima, rason kon ham-an nga haum raya sa tanan nga oras.
Ginpasalig man it NIA nga “on top of the situation” sanda ag padayon nga ginabantayan ro lebel it tubi sa mga dam.
Apang nag-apela ro NIA sa mga mangunguma nga magtanom it high-value crops nga owa nagakinahangean it tubi kapareho it mais.
Nauna kara, nagdesisyon ro National Water Resources Board nga i-suspend ro alokasyon it tubi para sa irigasyon, nga masami ginahimo ag ginatigana para sa “domestic household use.”
