Ginpamalibaran it mga dating suldado ro pasibangud nga nagbaton sigon sanda it suhoe halin kay dating kongresista Mike Defensor kabaylo it andang testimonya sa imbestigasyon it maanomalya sigon nga flood control projects.
Sa pagpamati it Senate Blue Ribbon subcommittee ku Huwebes, mahugot nga ginpamalibaran ni Johnny Buduan, sambilog sa 18 dating marines nga nagserbeng resource persons, ro alegasyon ni Senador Rodante Marcoleta nga nakabaton sanda it tig-P5 milyon bilang “pabuya” kabaylo it andang mga salaysay sa nagapadayon nga imbestigasyon.
Ginhangkat ni Buduan ro mga nagapasibangud nga pamatud-an ro akusasyon, ag ginpamilit nga dapat hay mas maayos kunta ro andang kahimtangan kun minatuod ro ginahambae nga mabahoe nga haega it kwarta.
Samtang, gindepensagan man ni Atty. Levito Baligod ro mga dating suldado kontra sa alegasyon it suhoe ag ginpamilit nga uwa it kamatuoran rom ga pasibangud.
