Lawful ag valid ro nagtuhaw nga quorum sa Senado ku adlaw it Myerkules, Hunyo 3.
Raya ro ginpaguwa nga pahayag it Intergrated Bar of the Philippines (IBP).
Sa nasambit nga pahayag, pumabor si Leodegario “Ka Leody” De Guzman, national president it Partido Lakas ng Masa (PLM) nga valid ro nagtuhaw nga quorum bangud nga sa bibig eon man mismo sigon ni Senate President Alan Peter Cayetano maghalin nga legal raya, apang bukon eang sigon it legal nga bayluhan ro Senate President, kun sa siin uwa man raya ginpatigayon.
Suno kay “Ka Leody’, nabakante eamang ro posisyon bangud sa pag-deklara it bag-ong mayorya nga tanan nga pwesto sa sebado hay bakante.
Sa rayang tikang, nag-angkon sigon it pag-asa ro pumueuyo nga maga-angkon it manami nga proseso ro magatuhaw nga impeachment trial kontra kay VP Sara Duterte sa maabo nga buean it Hulyo.
Samtang, ginpahayag man nana nga bangud sa nagaguwa nga valid ro nasambit nga quorum, posibleng madueaan it bisa ro nagtuhaw nga flood control probe hearing it Senate Blue Ribbon Subcommittee kahapon nga adlaw it Huwebes, Hunyo 4.
Raya sigon hay magiging pageabag sa sueundanan it bag-ong mayorya. Posible suno kana nga pagpakita eamang ray ani Cayetano it gahum sa pagiging senate president.
Apang, sa pihak kara, dapat nga mag-angkon sa gihapon it maid-id nga pag-usisa angot sa mga maanomalyang flood control projects ag sa tanan nga personalidad nga gina-konekta it 18 dating Marines.
