Masobra sa 1.2 milyong katawo ro nagtililipon sa Cibeles Square, Madrid para sa outdoor Mass kaibahan si Pope Leo, ro pinakamabahoe nga event sa anang sang domingo nga pagbisita sa Spain.
Sa sermon, gin-engganyo ni Pope Leo ro mga Katoliko nga magbulig sa isigkatawo ag gin-insister nga kaibahan it Diyos ro mga pigado, gina-api, ag ginpabay-an.
Ginpahayag man it Santo Papa sa alkalde it Madrid nga kabay nga magpabilin raya nga mabuligon ag inklusibong siyudad.
Gin-umpisahan nana ro biyahe ko Sabado sa pakikipagkita sa mga migrante, owa it gina-istaran ag kapin sa 600,000 nga mga pamatan-on.
Sa anang biyahe nga nag-umpisa ko June 6 ag matapos sa June 12, maga-agto man imaw sa Barcelona ag Canary Islands para makipagkita sa mga migrante halin sa West Africa.
Suno kay Pope Leo, handum nana nga maging halimbawa ro biyahe sa pagrespeto sa “kada tawo” ag panawagan sa mga lider nga ipapundo ro pagtunga-tunga it mga pumueuyu.
Pagkatapos it Misa, nakipagkita pa si Pope Leo sa kaparehong Augustinian ag sa mga personalidad halin sa entertainment, sports, ag culture sa Madrid.
