Ginpamalibaran it Malacañang ro pahayag ni Vice President Sara Duterte nga ro nagapadayon nga a tensyon sa Senado hay repleksyon it liderato it administrasyon.
Suno sa Palasyo, bukon it sugo ni Pangueong Ferdinand Marcos Jr. ro mga hitabo sa Mataas nga Kapueungan nga nagtuga it kinagamo, kaibahan ro mga isyung may kaangtanan sa mga insidente ag paghueag it pilang senador.
Ginpunto man nga ro mga personalidad nga imbolbado sa nasambit nga istorya hay ginakabig nga mga meapit nga kaalyado it Bise Presidente, ag ro ugat it tensyon hay bukon sigon kahinaan it liderato kundi paggamit it impluwensya para sa proteksyon it sangka opisyal.
Ginpunto it Malacañang, nga uwa nagakadapat nga sisihon ro Pangueo sa mga hitabo sa Senado ag uwa man imaw nag-mando sa anumang hueag it mga mamalidha nga ginakonekt sa isyu.
