Mas pa nga nag-lobo ro numero it mga indibidwal nga kumpirmadong naduea kasunod it magnitude 7.8 nga linog nga tumama sa Mindanao ko Lunes.
Suno kay Office of Civil Defense (OCD) Asec. Bernardo Rafaelito Alejandro IV, makaron nga adlaw it Biyernes hay ginkumpirma it Philippine authorities nga nag-abot eon sa 33 nga katawo ro missing ukon padayun nga gina-usoy.
Raya hay haeos doble sa dating 17 nga missing ko nagtaliwan nga mga inadlaw.
Padayun man sigon ro pag-report it mga residente angot sa naduea nanda nga mga igbata halin pa kat natabu ro linog ag ginapatihan nga natabunan it mga nahugos nga istraktura.
Samtang, nagsaka eon sa 688 nga katawo ro kumpirmadong naninahan bangud sa insidente.
Sa makaron hay nagapadayun pa ro pag-usoy sa mga missing samtang positibo man ro mga rescuer nga may marekober pang buhi, ap-at nga adlaw matapos ro grabeng pag-uyog.
Nagapadayun pa makaron ro clearing operations sa mga nahugos nga building nga nauna eon nga natumod nga owa it natambukan ukon naaywan nga mga tawo.
