Magadihon ro House prosecution panel it mga bag-ong ebidensya sa Senado angot it impeachment case ni Vice President Sara Duterte, kaibahan ro mga dokumentong nagapakita sigon it uwa nadeklarang personal nga propyedad nga nagakahaega it milyun-milyong piso sa anang SALN.
Kaibahan man sa planong i-presenta it prosekusyon ro mga saksi halin sa gobyerno ag iba pang indibidwal para pamatud-an ro mga dokumento.
Ginpunto it kampo it prosekusyon nga ginapasugtan it mga naga-iral nga sueundanan ro pagsumite it dugang nga ebidensya sa impeachment proceedings.
Ginaeauman man nga masumite ro pre-trial brief sa Senado bilang pagpahaom sa nagahilapit nga pre-trial conference it impeachment case.
Naga-pati man prosecution panel nga bastante ro andang mga ebidensya para suportahan ro kaso kontra sa pangaywang pangueo.
