Ginklaro ni acting Senate President ag Senate President Pro Tempore Sherwin Gatchalian nga ro opisyal nga Blue Ribbon Committee eamang it Senado ro may awtoridad nga magpatigayon it mga imbestigasyon ag pagpamati angot it mga isyu it korapsyon.
Gin-insister ni Gatchalian nga uwa it legal nga bisa ro anumang bueag ukon parallel nga pagpamati nga ginapatigayon sa guwa it komiteng ginadumaeahan ni Senator Erwin Tulfo, ag ginengganyo ro mga testigo ag resource persons nga magtambong eamang sa mga opisyal nga hearing it Senado.
Ro pahayag hay kasunod it pagklaro nga uwa it nakataeanang opisyal nga pagpamati ro Blue Ribbon Committee makaron nga adlaw, Hunyo 16, pati eon man ro mga report angot sa magkabueag nga pagpamati angot it imbestigasyon sa anomalya sigon sa mga flood control projects.
Ginpunto it liderato it Senado nga sambilog eamang ro opisyal nga Blue Ribbon Committee ag raya eamang ro ginakilaeang lehitimong forum para sa mga pormal nga imbestigasyon.
