Sangka mabahoe nga private investment fund nga nagabalor it ginaboeobanta nga $300 billion ro gin-eakip sigon sa sangka U.S.–Iran framework agreementna nga tuyo nga tapuson ro giyera sa Middle East.
Suno sa sangka source nga may direktang kasayuran sa kasugtanan nga tuyo it pondo nga engganyuhon ro Iran para makumpleto it eubusan ro kalinong sa tunga it Estados Unidos ag Iran.
Masobra sa katunga sigon it nasambit nga kantidad hay nakapag-commit eon halin sa nagkaeain-eain nga kompanya sa Amerika, Gulf countries, Asya, South America, ag Africa.
Tuyo it pondo nga mag-invest sa mga sektor kapareho it enerhiya, transportasyon, manufacturing, ag logistics.
Suno sa report, ro ginatawag nga “Reconstruction and Development Fund” hay indi magagamit it government money, kundi sangka private investment vehicle eamang.
Kaibahan man sa plano ro posibilidad it pagpautang ag pagpondo sa uman nga pagpa-umwad it mga imprastraktura sa Iran nga nasamad bangud sa giyera kaibahan ro mga pasilidad sa industriya ag transportasyon.
Ro nasambit nga investment fund hay separado sigon sa isyu angot sa pagpahaeuga it sanctions ag pag-access sa frozen assets it Iran.
Samtang, owa pa it opisyal nga kumpirmasyon halin sa U.S. ro nasambit nga investment fund.
