Ginpamilit ni Davao City Rep. Paolo “Pulong” Duterte nga nagpaguwa eon sigon ro International Criminal Court (ICC) it arrest warrant kontra kay Senador Christopher “Bong” Go ag daywang dating opisyal it kapulisan base sa impormasyong gintau it sangka “highly reliable source.”
Sa sangka Facebook post, ginkuwestiyon it unga it nakakulong nga si dating Pangueong Rodrigo Duterte ro gina-alegar nga paggamit sa ICC kontra sa mga kaaway sa pulitika.
Nauna eon nga ginpahayag ni dating senador Antonio Trillanes IV nga si Go, dating aide ni Duterte, ro posibleng masunod nga magapangatubang sa arrest warrant halin sa ICC bilang gina-alegar nga co-conspirator sa mga kasong crimes against humanity, murder ag attempted murder.
Sa pihak kara, ginpamalibaran it Department of the Interior and Local Government (DILG) ag Philippine National Police (PNP) nga nakabaton sanda it anumang pormal nga abiso angot sa gina-alegar nga mga warrant.
Suno kay DILG Secretary Jonvic Remulla nga nakipag-istorya imaw sa sekretaryo it Department of Justice apang owa it sin-o kanda ro nakabaton it anuman nga formal notice.
Ginpahayag man it PNP nga owa sanda it nabaton nga opisyal nga komunikasyon angot sa ginasugid nga ICC warrants, apang ginpasiguro kara nga ro anumang warrant nga maga-agi sa tamang legal nga proseso ag sandig sa laye hay andang paga-aksynan.
