Posibleng talakayon nanday Pangueong Ferdinand Marcos Jr. ag Russian President Vladimir Putin ro planong pagpatindog it floating nuclear power plant sa Pilipinas, sa tunga it tikang it administrasyon nga ieakip ro nuclear energy sa energy mix it nasyon.
Suno sa Philippine Ambassador to Russia nga si Igor Bailen, mabuhay eon nga ginasueong it administrasyong Marcos ro pagsueod it nuclear energy para mapa-pag-on ro suplay it kuryente sa nasyon, kaibahan ro posibilidad it paggamit it small modular nuclear reactors nga kilaea sa Russia.
Gin-insister man nga Russia ro unang nasyon nga madinaeag-on nga naka-patuman it nasambit nga teknolohiya, kaya ginakabig nga importanteng kaibahan raya sa posibleng proyekto.
Sa idaeom it presenteng administrasyon, ginsalaye ro Philippine National Nuclear Energy Safety Act (RA 12305) nga nag-himo sa independent Philippine Atomic Energy Regulatory Authority (PhilATOM) para dumaeahan ro euwas nga paggamit it nuclear energy.
Target it gobyerno nga makapatin-dog ag maka-operate it unang nuclear power plant sa nasyon pag-abot it 2032.
