Nalista ro pagnaba it numero it mga nabdos nga Pilipinang ginakabig nga nutritionally at risk sa 16.7% ku 2025, halin sa 18.5% ku 2023, suno sa Department of Science and Technology–Food and Nutrition Research Institute (DOST-FNRI).
Base sa 2025 Updating of the Nutritional Status of Filipino Children and Other Population Groups, nagapabilin nga mataas ro peligro sa mga nabdos nga uwa pa it 20 anyos nga naga-abot sa 40%, kumpara sa 15.9% sa mas magueang nga nabdos buntis.
Sa prenatal care, nagtaas sa 73.3% ro mga nakapagpaunang checkup sa tamang tyempo halin 68% ku 2023, samtang 84.8% ro nakabaton it indi magnaba sa ap-at nga prenatal visits sa pangatlong trimester.
Apang, manaba gihapon sa 22.9% ro nakatapos it rekomendadong waeong prenatal contacts.
Sa kabilugan, nalista sa mga inungang 0–23 months ro 12.7% underweight, 21.1% stunted, 6.3% wasted, ag 3.2% overweight.
Ginpatigayon ro nationwide survey halin Abril 2025 hasta Marso 2026 bilang parte it padayon nga monitoring sa ikamayad nga eawas ag nutrisyon it mga Pilipino.
