Gintapos it Estados Unidos ro naval blockade kontra sa Iran matapos magperma ro magtimbang nga bahin sa sangka kasugtanan nga tuyo nga wakasan ro tensyon sa Middle East.
Suno sa US Central Command, ginpatuman ro tikang sa idaeom it direktiba ni US President Donald Trump, rason para uman nga mabuksan ro Strait of Hormuz.
Sa idaeom it kasugtanan, paga-punduhon ro operasyon it US military kun magsunod ro Iran sa mga kondisyon, kaibahan ro pagwasak sa imbakan it enriched uranium, pagpundo sa suporta sa mga armadong grupo, ag pag-likaw sa pag-develop it nuclear weapons.
Nakasuoed man ro $300 bilyong pondo para sa uman nga pagbangon it ekonomiya it Iran.
Sa pihak kara, may pagduda halin sa bahin it Iran, partikular kay Supreme Leader Mojtaba Khamenei, sa pihak nga ginpasugtan gihapon ro kasugtanan matapos ro mga kasiguraduhan halin sa andang gobyerno.
Pagpanawagan man si Trump nga ipatuman it tanan nga bahin ro ceasefire agud mapadayon ro proseso it kalinungan.
