Ginklaro it Juvenile Justice and Welfare Council (JJWC) nga bukon awtomatikong ginapahilway ukon ginakakas sa saeabton ro mga Children in Conflict with the Law (CICL) sa idaeom it Republic Act No. 9344, kasunod it diskusyon sa pagpamaril sa San Jose National High School sa Tacloban City.
Suno sa mga opisyal, may mga mekanismo ro laye agu nga mapasabat ag ma-rehabilitate ro mga menor de edad nga imbolbado sa krimen, depende sa andang edad ag lebel it pag-intindi sa andang ginahimo.
Sa idaeom it laye, ro mga inungang 15-anyos panaba hay bukon it criminally liable apang ginapaidaeom raya sa intervention programs, samtang ro mga edad 15 hasta 18 hay posibleng pasabton kun mapatud-ang may “discernment” ukon pagkaintindi sa bug-at it andang hueag.
Gina-pasa ro mga kaso ngara sa mga proseso kapareho it court proceedings, involuntary commitment, ag placement sa Bahay Pag-asa kun kinahangean, kun siin ginapatigayon ro rehabilitasyon, counseling, ag psychosocial interventions.
Posible man nga ma-dihon ro petisyon para sa involuntary commitment nga posibleng magresulta sa temporaryong pagkaduea it kustodiya it ginikanan ag pagbutang sa idaeom it pag-alaga it estado, nga posibleng resolbahon sa mas ma-tag’od nga proseso kumpara sa regular nga criminal cases.
Gin-insister man nga posibleng pasabton ro mga ginikanan sa civil liability kun mapamatud-ang may kapabayaan nga nakonekta sa nahimong krimen it menor de edad.
