Nagtaeana si Pope Leo XIV it paunang emergency aid nga nagabalor it €100,000 ukon masobra sa $114,000 para sa mga biktima it mabaskog nga linog nga tumama sa Venezuela.
Suno sa Vatican, magahalin ro pondo sa Apostolic Almonry, ro taeatapan nga nagadumaea para sa mga manami nga hilimuon sa mga komunidad nga nagakinahangean.
Ginpahayag it Vatican nga ro nasambit nga kantidad hay paunang bulig eamang agud nga maka-ayuda sa insigidang relief ag rescue operations para sa mga biktima it kalamidad.
Madumduman nga gin-uyog ro Venezuela it magkasunod nga mabaskog nga linog nga may kabaskog nga magnitude 7.2 ag 7.5. Bangud kara, nag-abot eon sa indi maganaba sa 235 nga katawo ro namatay base sa paunang report it mga awtoridad.
Padayun man ro search and rescue operation sa mga posibleng naka-eowas sa mga apektadong lugar samtang ginatumod pa ro eapad it kahalitan sa imprastraktura ag pangabuhian.
Mag-eowas sa Vatican, nagpahayag man it bulig ro pilang nasyon ag organisasyon kaibahan ro Cuba, Iran, Italy, Estados Unidos, ag European Union.
