Ginpahayag ni Nabas SB Member Godofredo Sadiasa nga padayon nga ginakwestyon ro jurisdiksyon it Magic Island bangud pareho raya nga gina-claim it mga banwa it Nabas ag Malay.
Suno kana, umpisa nagserbi imaw bilang municipal administrator it Malay, sakop it nasambit nga banwa ro isla.
Apang may naga-eksister man nga mga resolusyon ag pag-angkon halin sa Nabas nga nagahambae nga kaparte man raya it andang teritoryo.
Ginpabutyag man nana nga imaw ro nagproponer it Environmental Fee Ordinance it Nabas nga gin-aprubaran ku 2023 agud mapadayon ro pagpa-taas it kita it banwa.
Apang klaro suno kana nga uwa it specific provision sa ordinansa nga nagahambae parte sa Magic Island, kundi nagapatuman eamang it environmental fee sa mga turista nga nagabisita sa mga tourist destination nga una sa jurisdiksyon it Nabas.
Dugang pa ni Sadiasa, bag-o eamang nga ginpatuman it lokal nga gobyerno ro proposisyong pagsukot it environmental fee sa lugar.
Ginpunto man nana nga ginpatuman raya bangud sa padayon nga pag-angkon it Nabas nga sakop it banwa ro Magic Island.
Ginpamilit pa nana nga mas mayad nga ipa-agi sa korte ro nasambit nga problema para maresolba ro isyu sa teritoryo agud mabaton ro pinal nga desisyon angot sa minatuod nga jurisdiksyon it nasambitan nga isla. (Bombo Cherry Mae Illavera)
