Gin-aprubahan it International Criminal Court (ICC) Trial Chamber III ro pagpadayon it pag-freeze sa kwartang nakumpiska kay dating Pangueong Rodrigo Duterte kat imaw hay arestuhon ag daehon sa kustodiya it tribunal ku Marso 2025.
Base sa mga dokumentong ginpaguwa it ICC ku Hunyo 27, 2026, ginpaboran it korte ro hinyo it prosekusyon nga pabilinong naka-freeze ro nasambit nga haega, sa pihak nga uwa ginbulgar kun pila ro kwartang nabuoe.
Naghinyo man ro prosekusyon nga mataw-an it access sa iba pang mga personal nga gamit nga nakumpiska halin kay Duterte sa tyempo it anang pag-aresto.
Tuyo kara nga usisaon ro mga nasmabit nga kagamitan bilang parte it nagapadayon na imbestigasyon it kaso.
Samtang, ginkwestyon it kampo ni Duterte ro mga hinyo it prosekusyon.
Ginhinyo man it depensa nga indi pasugtan nga usisaon ro mga susi ag iba pang personal nga gamit bangud uwa sigon it bastante nga basehan para i-konekta ro mga raya sa kaso.
Ginpamilit man nanda nga siguraduhon nga maprotektahan ro mga personal nga impormasyon it dating pangueo ag it anang pamilya sa anumang pag-usisa it mga nakumpiskang kagamitan.
