Bukon it obligado si Vice President Sara Duterte nga magtambong sa impeachment trial nana sa Lunes, Hulyo 6.
Raya ro ginpahayag ni Senate President Sherwin Gatchalian, sa pihak it notice nga ginpadaea nanda sa bise presidente para mag-atubang raya sa pag-umpisa it pagbista.
Suno kay Gatchalian, raya hay bangud nga magapatigayon man sanda it arraignment-like procedure kun sa siin pagapa-atubangon ro bise presidente para basahon ro mga kaso kontra kana.
Sa pihak kara, ginklaru ni Gatchalian nga nakabaehag sa andang rules nga ginapasugtan ro representante ukon abogado ni VP Sara nga magtambong sa makarondaya nga proseso.
Samtang, ginpahayag ni Gatchalian nga dere-deretso ro anang pagpahaum bilang presiding officer ag bilang senator-judge kun sa siin padayun nana nga gina-estudyuhan ro mga rules kamana man ro mismong merito it kaso.
