KALIBO, Aklan — Napabay-an nga nakasaksak nga rice cooker ro sambilog sa mga ginapanan-aw nga posibleng ginhalinan it sunog nga nagpa-ugdaw sa sangka baeay sa Barangay Torralba, Banga, Aklan, bandang alas-11:55 it agahon it Biyernes, Hulyo 10, suno sa Bureau of Fire Protection (BFP).
Suno sa BFP-Banga, pag-abot it mga bumbero hay totally burned eon ro nasambit nga baeay rason nga nagpatigayon eon lang sanda it mopping operation.
Gindeklarang fire out ro insidente bandang alas-12:11 it hapon.
Base sa paunang imbestigasyon, ginapanag-iyahan ni John Raffy Ricamonte ro baeay nga himo sa light materials.
Ginpahayag dugang nga owa ro tag-ana it baeay kat matabu ro insidente, kun sa siin, naga-ayos raya it anang tricycle, mga haeos 50 metro ro kaeayuon sa andang baeay.
Nakibot eon lang sigon imaw kat ginpahisayod kana it anang mga unga nga nagakasunog ro andang baeay.
Ginaboeobanta nga ₱10,500 ro paunang danyos sa natabu nga sunog. Sa mayad nga swerte ag owa man it may nadaeahig nga iba pang estruktura ag owa it nailistang naninahan sa insidente.
Padayun ro imbestigasyon it BFP-Banga agud nga eubusan nga matumod ro eksaktong rason it sunog.
