Nagproponer ro Energy Regulatory Commission (ERC) it mas mahugot nga sueundanan sa pagbuoe it suplay it kuryente agud mapabaskog ro patas nga kompetisyon ag masiguro nga makabuoe it pinakamanabang haega it kuryente ro mga konsyumer.
Sa idaeom it proposisyon, ginakinahangean nga isumite anay it mga distribution utility ag system operator sa ERC ro terms of reference (TOR) it competitive selection process ante magpaguwa it imbitasyon para sa bidding.
Magapaidaeom raya sa pag-usisa it komisyon para masigurado nga uwa it probisyong naga-pabor sa partikular nga supplier ukon naga-hadlang sa patas nga kompetisyon.
Indi man pwede nga padayunon ro bidding hasta uwa pa it Certificate of Compliance ukon ginakabig nga aprubado it ERC ro TOR.
Magabaton ro komisyon it mga komento sa ginproponer nga sueundanan hasta sa Hulyo 24, samtang nakataeana ro virtual public consultation sa Hulyo 31.
