Ginpahayag it National Bureau of Investigation (NBI) sa pagpamati it impeachment trial ni Vice President Sara Duterte nga naga-isot eon sa mas manaba sa 20 ro persons of interest (POIs) sa imbestigasyon angot it planong sigon nga pagpatay kay Pangueong Ferdinand Marcos Jr.
Kaibahan sigon sa mga gina-imbestigahan ro pilang aktibong “men in uniform,” ag naka-istorya eon man it mga awtoridad ro pila sa andang mga pamilya ag kakilaea.
Ginkumpirma man it NBI nga kaibahan sa listahan it mga POI ro sangka indibidwal nga may kaangtanan sa Vice Presidential Security and Protection Group (VPSPG).
Apang, indi pa masigurado it ahensya kun kaibahan sa mga raya ro ginahambae nga gin-rentahan nga suspek bangud nagapadayon pa ro imbestigasyon.
Suno sa NBI, ginaeaumang maga-angkon it klaro nga personalidad sa gina-alegar nga suspek sa sueod it tatlo hasta an-om nga buean, sa pihak nga ginakilaea karang may posibilidad man nga indi eagi matumod ro responsable.
