Ginklaro ni Chinese Ambassador Jing Quan nga uwa it kaangtanan ro gobyerno it China sa kontrobersyal nga AI video nga ginpaguwa it sangka Chinese state-run media nga naga-salarawan sa mga Pilipino bilang mga amo.
Suno kana, himo raya it media ag bukon it gobyerno, ag bukon sigon kontrolado it Beijing ro tanan nga ginapaguwa it mga media organization sa andang nasyon.
Ginengganyo man it Chinese ambassador ro Pilipinas ag China nga padayunon ro dayalogo agud mapanami ro koneksyon it daywang nasyon sa pihak it nagapadayon nga tensyon sa West Philippine Sea.
Ginpamilit nana nga dapat mag-daog ro negosasyon imbes nga palala-on ro mga uwa pagka-intindihan.
Ginsambit man ni Jing nga taw-an it igtaeupangod ro posibleng kooperasyon sa oil ag gas exploration samtang ginpa-iway anay ro mga kinagamo.
Ginkumpirma man nana nga maga-kita sanday Chinese Foreign Minister Wang Yi ag Foreign Affairs Secretary Ma. Theresa Lazaro sa sidelines it ASEAN Foreign Ministers’ Meeting oara talakayon ro mga isyu sa tunga it Pilipinas ag China.
