Nagpasaka eon ro Department of Justice (DOJ) it magka-separado nga kaso kontra sa 18 ginakabig nga “maleta boys” ukon mga dating bodyguard ni dating Ako Bicol Party-list Rep. Zaldy Co., pati eon man sa andang abogado nga si Atty. Levito Baligod.
Gindihon ro mga kaso sa mga Regional Trial Court sa Caloocan, Las Piñas, Muntinlupa, ag San Juan.
Nagapangatubang ro 18 akusado sa 6 counts it cyber libel ag 4 counts it perjury, samtang kaibahan man si Baligod sa pilang kaso it cyber libel.
Ginkwestyon man ni Baligod ro pagpasaka it mga kaso bangud uwa sigon sanda nataw-an it kahigayunan nga magdihon it motion for reconsideration.
Ginklaro man it DOJ nga bueag ro andang imbestigasyon ag aksyon sa ginapatigayon nga imbestigasyon it Office of the Ombudsman.
