Eubus eon nga naging laye ro Republic Act No. 12322 nga nagatau sa Department of Education ukon DepEd it kahilwayan nga magpili it pinaka-epektibong pamaagi it pagturo sa mga pampubliko ag pribadong eskwelahan sa basic education.
Naging epektibo ro proposisyon matapos raya nga mag-lapse into law ko Agosto 2, 2026.
Sa idaeum it laye, owa eon nakahigot ro DepEd sa sangka pamaagi it pagturo, sa baylo, pwede eon raya nga magpili it pamaagi nga mas nagakabagay agud nga mas madaling maka-antiguhan ro mga estudyante.
Ginbag-o man it laye ro Enhanced Basic Education Act of 2013 nga dating nagataeana it paggamit it spiral progression approach sa pagturo.
Ginmanduan man ro DepEd nga repasuhon ro curriculum ag pamaagi it pagturo kada limang dag-on agud masiguro nga epektibo pa gihapon ro mga raya.
Magiging epektibo ro laye 15 diyas matapos raya nga ma-publish sa Official Gazette ukon sa sangka peryodikong may maeapad nga sirkulasyon.
