Nagapati si US President Donald Trump nga madali eon lang nga matapos ro limang buean nga giyera kontra sa Iran, maskin nga aminado imaw nga limitado ro suplay it pilang klase it armas it militar it Estados Unidos.
Suno kay Trump, indi eon magabuhay ro pakikipagsukoe it Iran sa bakbakan. Kadungan kara, ginpahayag nana nga may bastante nga suplay ro US it pilang mabaskog nga klase it bala ag armas, apang mas limitado ro imbentaryo para sa ibang kagamitang pang-giyera.
Nauna eon nga napabalita nga mabahoe nga parte it pangkalibutanon nga imbentaryo it US Army it mga high-precision, long-range missile ro nagamit sa sueod it limang buean nga giyera.
Bangud kara, ginpa-eapad sigon it mga defense company sa Estados Unidos ro produksyon it mga armas, kaibahan ro Patriot ag Tomahawk missiles.
