Gindihon it Department of Justice (DOJ) ku adlaw it Martes, August 11, 2026, ro tatlong counts it kasong Grave Threats kontra kay Vice President Sara Duterte sa Regional Trial Court ng Quezon City.
Apang, ginbasura it DOJ ro reklamong Inciting to Sedition nag unang gindihon it National Bureau of Investigation (NBI) kontra kana.
Ginpalagan it kampo it Bise Presidente ro naging tikang ngara sa paagi it anang legal counsel halin sa Chua Lim & Associates nga si Atty. Paul Lawrence Lim.
Suno kay Lim, ginaeauman ag ginapahauman eon it andang legal team ro makarayang desisyon.
Ginpamilit it abogado nga sa idaeom it laye, nagapabilin nga inosente ro Bise Presidente ag may salig sandang mabasura man ro mga reklamong ngara.
Ginpamilit man it legal counsel nga bilang sangka presenteng impeachable officer, indi pwedeng kasuhan ro Bise Presidente angot sa sangka probisyon sigon ukon pageabag nga sakop man it presenteng kasong impeachment kontra kana.
Bangud sa mga seryosong isyung legal ngara, ginsigurado it kampo it Bise Presidente nga pagagamiton nanda ro tanan nga mga available nga legal remedies sa tamang tyempo.
