Ginpahayag ni US President Donald Trump nga magapangayo ro Estados Unidos it compensation halin sa Iran bilang parte it anumang negosasyon para wakasan ro limang buean nga gyera.
Ro tikang hay sabat sa hinyo it Iran nga bayran anay it US ro kahalitan nga tuga it kinagamo antes uman kara nga buksan ro Strait of Hormuz.
Gusto ni Trump nga ieakip sa kompensasyon ro mga pagkamatay ag kahalitang ginakonekta sa mga pag-atake ag proxy forces it Iran, kaibahan ro mga Amerikanong suldado ag iba pang biktima.
Bangud sa magtimbang nga grabe nga hinyo, kapin pang naging bukon it sigurado ro posibilidad it sangka kasugtanan para sa pagtapos it kinagamoi.
Nagtuga man raya it kabaeaka sa pangkalibutanong merkado ir langis bangud sa posibilidad nga magpabilin nga sarado ro Strait of Hormuz, sangka importanteng ruta it transportasyon it langis.
Ginmanduan man ni Trump ro anang mga representante nga ieakip ro compensation demand bilang permanenteng kondisyon sa mga masunod nga negosasyon sa Iran.
