Ginpasibangdan ni Ukrainian President Volodymyr Zelensky nga naga-gamit ro Russia it mga missiles nga halin sa North Korea.
Naging ehemplo kara ro ginpatigayon nga airstrike it Russia sa Zaporizhzhia, Ukraine kung siin may-una nga an-om ro namatay ag 19 ro naninahan.
Ginhambae it Ukrainian President nga raya ro unang kahigayunan nga gumamit ro Russia it missiles halin sa North Korea.
Indi sigon masarangan it Russia nga mag-sukoe nga uwa it bulig halin sa andang kaalyado.
Nagapakita eamang sigon ro mga kakueangan it Russia bangud sa paggamit it mga missiles halin sa North Korea.
Ginsigurado kara nga magabaeos ro Ukraine sa ginhimo nga grabeng pag-atake it Russia.
Una kara hay ginpasibangdan man ni Zelensky ro Russia nga may una na masobra 50,000 nga suldado it North Korea ro nag-bulig para sa giyera nanda kontra sa Ukraine.
