Gindihon ni Senator Ping Lacson ro daywang hagna nga nagatuyo nga ipataas ro compulsory retirement age it mga tawuhan it Philippine National Police (PNP), Bureau of Jail Management and Penology (BJMP), ag Bureau of Fire Protection (BFP) sa 57 halin sa 56 anyos.
Sa Senate Bills 2395 ag 2396, tuyo kara nga mapabilin it mas mahabang paniempo ro expertise, leadership ag institutional knowledge it mga senior officers bago maipasa ro obligasyon sa magiging kabaylo.
Ro daywang proposisyon hay nakalinya man sa adjustment it compulsory retirement age it mga miyembro it Armed Forces of the Philippines (AFP).
Sa oras nga maging laye ro nasambit nga mga proposisyon, nakabaehag nga ro owa eon it sang dag-on sa serbisyo hay may option nga magretiro sa edad nga 56.
Nakabaehag man sa magkaseparado nga proposisyon nga naga-abot sa 230,410 ro mga miyembro makaron it PNP, samtang 41,286 mat-a ro mga tawuhan ag opisyal it BFP ag 26,000 sa BJMP.
