Ginserbihan it panibag-ong warrant of arrest si dating Bamban, Tarlac Mayor Alice Guo angot it three counts it pageabag sa Republic Act 3019 ukon Anti-Graft and Corrupt Practices Act.
Ginpaguwa ro warrant it Pasig Regional Trial Court Branch 67 ag kaibahan sa kaso ro 11 iba pang indibidwal.
Nagtaeana ro korte it P90,000 piyansa para sa kada count.
Presenteng nakakulong si Guo sa Correctional Institution for Women sa Mandaluyong City matapos imaw nga masintensyahang guilty sa kasong qualified human trafficking ag masentensiyahan it reclusion perpetua ukon habambuhay nga pagkakulong.
Kaibahan man sa nasintensyahan ro pilang co-accused ni Guo nga ginsentensiyahan it habambuhay nga pagkakulong ag ginpa-multa it P2 milyon sa kada kaso.
Ginmando man it korte ro pagkumpiska sa P6-bilyong Baofu compound ag permanenteng pagbawi sa registration it pilang kumpanyang imbolbado sa kaso.
