Mas hugut nga gina-monitor it Department of Education (DepEd) ro andang mga paea-absent nga mga estudyante bilang posibleng early warning sign nga nagakinahangean it insigidang intervention.
Suno kay DepEd Undersecretary Malcolm Garma, ginatun-an it taeatapan ro paggamit it artificial intelligence (AI) agud nga matumod ro attendance patterns, behavioral changes ag iba pang risk indicators it mga estudyante.
Raya hay kaparte it pagpabaskog it threat assessment system matapos ro mga insidente it pagpamaril sa mga eskwelahan sa Tacloban ag Zamboanga City.
Plano man it DepEd nga paga-unahon nanda ro pagtaeana it kapin sa 10,000 nga school counselor associates sa mga lugar nga ginakabig nga hotspot.
Sa pihak kara, ginaboeobanta nga 46,000 ro kinahangeanon agud nga maabot ro target nga nationwide ratio.
Ginapabaskog man ro anonymous reporting system agud nga makatau it impormasyon ro mga estudyante angot sa posibleng paeag ukon makadueuda nga hueag it andang mga kaklase.
Ginklaru man it DepEd nga ro pirme nga pag-absent hay bukon it awtomatikong nagakahueugan nga paeag sa seguridad ro sangka estudyante, kundi sangka senyales nga dapat maid-id nga usisaon kon kinahangean kara it suporta ukon intervention.
