Umabot sa ₱64.57 bilyon ro mga investment nga gin-aprubahan it Philippine Economic Zone Authority (PEZA) makaron nga buean it Agosto ukon 334.13 porsyentong mas mataas kumpara sa ₱14.87 bilyon it kaparehong buean ko 2025.
Kaibahan kara ro 22 nga bag-ong proyekto ag expansion projects, nga ginaeaumang magatao it 26,994 nga direktang trabaho ag nakakriar it $6.6 bilyon nga exports.
Halin Enero hasta it Agosto, umabot eon sa ₱216.46 bilyon ro kabilugang investment approvals it PEZA, katumbas it 72.16 porsyento it ₱300-bilyong target kara para sa bilog nga 2026.
Kaibahan sa mabahoe nga proyektong gin-aprubahan ro mga pasilidad sa Tarlac, electronics ag semiconductor projects sa Laguna, ag mga bag-ong ecozone development sa Cavite, Bataan, Davao del Sur ag Cebu.
