Big-time rollback sa presyo it petrolyo, posibleng ipatuman sa masunod nga domingo

Posibleng makaangkon it mabahoe nga rollback sa presyo it mga produktong petrolyo sa nasyon sa masunod nga domingo bangud sa padayun nga pagnaba it presyo it krudo sa pangkalibutanon nga merkado.

Base sa hueag it presyo umpisa Agosto 24 hasta 26, nagnaba it ₱3.50 kada litro ro diesel ag kerosene, samtang ₱1.10 kada litro man ro gasolina.

Kun magapadayun ro pagbaba it presyo it crude oil sa world market, ginaeauman nga posible raya nga magresulta sa mabahoe nga bawas-presyo sa mga produktong petrolyo sa Pilipinas.

Madumduman nga daywang magkasunod nga domingo nga nakaangkon it pagtaas it presyo sa langis, kun sa siin, nag-abot sa ₱6.20 kada litro ro diesel, ₱3.60 sa gasolina, ag ₱6 sa kerosene.