Gintabog papaeayo it Philippine Coast Guard ro sangka Chinese Maritime Militia Vessel ag 24 nga mga maisot nga baruto nga nasapwan maeapit sa Kota Island sa Kalayaan Island Group ku Setyembre 28.
Suno sa PCG, una sa kapin sa 300 yards halin sa isla ro mga saeakyang-dagat ag nagapangisda sigon nga uwa it pahanugot it gobyerno it Pilipinas.
Nagpadaea ro PCG it limang taeuhan sakay it rubber boat agud pahalinon ro mga dumueuong saeakyang-dagat sa lugar.
Sa pihak nga uwa nag-sabat sa radio challenge ro CMMV 9622, ginkilaea sigon it mga crew ro mando it PCG sa paagi it kumpas ag insigida nga nag-halin kaibahan ro 24 nga mga maisot nga baruto.
Padayon man nga ginabantayan it PCG ro Kota Island ag mga kaiping nga kadagatan agud maprotektahan ro teritoryo ag yamang-dagat it nasyon.
Suno sa ahensya, ro mga nasambit nga aktibidad hay ginakabig nga pageabag sa mga laye pangisdaan it Pilipinas ag mga probisyon it UNCLOS.
