Sambilog sa mga eskwelahan sa Aklan nga nagatao it kompletong lebel it edukasyon hay ro Medina Integrated School, nga una sa Medina, Madalag.
Suno sa sambiliog sa mga manugturo kara nga si Arlyn Javier, sakop it eskwelahan ro kindergarten hasta Grade 12.
May una nga elementarya ag secondarya nga lebel ro eskwelahan, ngani indi eon kinahangean magbiyahe pa ro mga estudyante sa ibang lugar para makapadayon sa mas mataas nga grado.
Suno pa kay Javier, mabudlay du pagiging manugturo bangud sa mga gabag-o bag-o nga sitwasyon it edukasyon sa presente nga tyempo ag ro andang transportasyon paagto sa eskwelahan hay malisod man bangud sa kaeayo ag sa klase it daean nga may una ro Medina kapin kung mauean.
Dugang pa nana, ro eskwelahan hay may mga manugturo nga nagaserbe sa nagkaeain-eain nga lebel it pagturo.
Samtang, ginpahayag man ni Javier nga may una nga complete elementary school sa Yakawon, nga nagatao it oportunidad sa mga inunga sa lugar nga makapag-eskwela sa mas maeapit nga eskwelahan.
Ginakabig raya nga importante agud may mas accessible nga lugar para sa mga estudyante, eabi eon sa mga nagapadayon sa elementarya.
