Haum nga depensahan it Office of the Solicitor General ro laye nga nagapa-iway sa Barangay ag Sangguniang Kabataan Elections ukon BSKE matapos raya nga kwestyunon sa Supreme Court.
Ginmanduan it Supreme Court ro Office of the President, Commission on Elections ag Kongreso nga magsumite it andang komento sa petisyon ni election lawyer Romulo Macalintal nga naga-kwestyon sa pagpaiway it eleksyon.
May una man nga hinyo nga temporary restraining order ukon status quo ante order ro nasambit nga petisyon.
Suno sa Malacañang, ginahueat eon lang it OSG ro kopya it petisyon ag haum nga magsabat sa sueod it limang adlaw halin sa pagbaton kara, sandig sa mando it Korte Suprema.
Kaibahan sa mga isyung gindihon ni Macalintal ro pageabag sigon it laye sa kinamatarong it mga pumueuyo nga mag-boto.
