Ginapatawag it Land Transportation Franchising and Regulatory Board (LTFRB) ro 19 Transport Network Companies (TNCs) matapos makabaton it mga reklamo halin sa pilang rider angot sigon sa uwa pagpatuman it aprubadong fare increase para sa Transport Network Vehicle Services (TNVS).
Madumduman nga ginpatuman it LTFRB ko Lunes ro bag-ong pamasahe para sa mga public utility vehicle (PUV), kaibahan ro mga TNVS.
Sa idaeom it bag-ong fare matrix, nagtaas halin it ₱45 hasta ₱65 ro base fare para sa TNVS sedan.
Para mat-a sa AUV, ₱55 eon ro base fare halin sa dating ₱35, samtang ₱65 eon man ro base fare para sa hatchback.
Samtang, ₱165 mat-a ro bag-ong base fare para sa premium TNVS.
Bangud kara, ginpasueatan it LTFRB ro 19 TNCs agud ipaathag kon ham-an it inde dapat sanda pag-imponeran it suspensiyon ukon kanselasyon it andang accreditation bangud sigon sa uwa pagsunod sa ginapatuman nga fare hike.
Igapatigayon ro hearing sa Oktubre 7, kon sa siin pagataw-an it kahigayunan ro mga natungdan nga TNC nga magpaathag angot sa mga reklamo.
