Gin-engganyo it Department of Education ukon DepEd-6 ro mga ginikanan sa Western Visayas nga adlaw-adlaw nga usisaon ro bag, personal nga gamit ag sueod it andang cellphone it andang mga onga bilang dugang nga tikang sa seguridad.
Suno sa DepEd region 6, may limitasyon sa pwedeng himuon it mga eskwelahan bangud sa mga sueondanan sa privacy ag kinamatarong it mga estudyante.
Samtang, ginpabaskog mat-a it mga eskwelahan ro security measures, kaibahan ro bag inspection, police visibility ag pakikipag-angot sa barangay tanod.
Ginklaro man it DepEd-6 nga bukon it sapilitan ro paggamit it transparent bag ag inde pwedeng magpatigayon it random ukon magpasilabot nga paghaeoghog sa mga estudyante.
Gin-engganyo man ro mga ginikanan nga maging mas mapagmatyag agud insigida nga matumod ro anumang posibleng paeag sa kaeowasan it andang mga onga.
