Nagtipon ro mga suporters ni dating Pakistan Prime Minister Imran Khan ag nagpanawagan nga imaw hay pahilwayon.
Ginbulgar sigon it pamilya it 74-anyos nga si Khan nga haeos mabulag eon ro tu-o nga mata apang uwa it tikang nga ginahimo ro mga prison authorities.
Ro cricket star -turned politicians hay nagapangatubang sa masobra 100 nga kaso ag nasentensyahan nga makulong it masobra sa 17 anyos bangud sa kurapsyon ko nagtaliwan nga dag-on.
Pila sa mga kaso kara hay ro pagguwa it state secrets sa pinaagi it pagbaligya it state gift.
Nakulong imaw ko Agosto 2023 kaibahan ro anang asawa nga si Bushra Bibi.
Nagkalhit mat-a ro mga kapulisan sa palibot it prison facility kon sa siin nakakulong si Khan para malikawan ro anumang maeain nga matabo sa ibang mga inmates.
