Nagabyahe eon paadto sa Singapore si Pangueong Ferdinand Marcos Jr para sa limang adlaw nga working visit halin Oktubre 7 hasta it 11.
Tuyo it nasambit nga pagbisita hay para mapadaeom pa ro kaangtanan it daywang nasyon eabi eon sa ekonomiya.
Ginpahayag ni Foreign Affairs Assistant Secretary Analyn Ratonel nga mismong si Prime Minister and Minister for Finance Lawrence Wong ro nag-imbita sa presidente para bumisita sa Singapore.
Importante suno kana ro pagbisita bangud sa nagahilapit eon ro pagtapos it responsibilidad it Pilipinas bilang chair it ASEAN ag masunod eon ro Singapore.
Iya sa Pilipinas igapatigayon ro 2026 ASEAN Summit halin Nobyembre 16 hasta it 18.
Sa pagbisita ni Pangueong Marcos Jr. sa Singapore hay ginasaligan nga magatambong raya sa 24th Forbes Global CEO Conference kon sa siin makaibahan ro pilang nagapangunang Singaporean ag global business leaders kon sa siin dikara hay maipakigbahin it Presidente ro investment ag economic priorities para sa pagpaumwad it nagapangunang sektors.
Kaibahan man ro pagbisita it Presidente sa Singapore ro Nuclear Research and Safety Institute.
