Gin-ilihir it mga botante sa Quebec ro Parti Quebecois (PQ) sa kauna-unahang kahigayunan sa sueod it masobra sang dekada, nga nagahana it mas malala nga tensyon sa gobyerno ni Prime Minister Mark Carney ag posibleng referendum para sa kahilwayan it probinsya halin sa Canada.
Ro pinuno it PQ nga si Paul St-Pierre Plamondon ro nakataeanang maging bag-ong premier it nasambit nga probinsya matapos magpanguna ro anang partido sa nakataliwan nga eleksyon.
Nagpromisa si St-Pierre Plamondon nga magpatiagyon it ikatlong referendum angot sa paghalin ukon secession sa sueod it anang ap-at nga dag-ong termino, apang matabo eamang ro pagpanaog sa pwesto ni U.S. President Donald Trump.
Ro makasaysayang kadaeag-an it separatistang partido hay resulta it daeayon nga pagbagsak it popularidad it presenteng nagadumaea nga Coalition Avenir Quebec bangud sa mga kapas-eawan sa ekonomiya ag pampublikong serbisyo.
